KONTRA-PELO
ni Franz Senido
Moderno na daw ang mga tula,
Basta na lamang susulat at maglalathala,
Kahit di gamitan ng tamang sukat at tugma,
Maipahayag lamang damdamin ng makata.
Ngunit kung ganito lang ang ating sistema,
Puro pagbabago at pagpapabata,
Kahit hindi pag-isipan mga tulang nililikha,
Huwag na tayo gumawa, sunugin at ibasura.
Sana sa susunod na iyong paglikha,
Hayaan ang puso’y pumanaod at lumaya,
Di kaya’y gumamit ng angkop na salita,
Nang ang iyong tula’y di maanod ng baha.
No comments:
Post a Comment