KONTRA-PELO

KONTRA-PELO

ni Franz Senido

Moderno na daw ang mga tula,

Basta na lamang susulat at maglalathala,

Kahit di gamitan ng tamang sukat at tugma,

Maipahayag lamang damdamin ng makata.

Ngunit kung ganito lang ang ating sistema,

Puro pagbabago at pagpapabata,

Kahit hindi pag-isipan mga tulang nililikha,

Huwag na tayo gumawa, sunugin at ibasura.

Sana sa susunod na iyong paglikha,

Hayaan ang puso’y pumanaod at lumaya,

Di kaya’y gumamit ng angkop na salita,

Nang ang iyong tula’y di maanod ng baha.

Ina'y ko po

Ina'y ko po

ni Franz Senido

Salamat ina, sa pag-aaruga mula pa nang kami'y bata

Pagmamahal na hindi nagbago hanggang sa aming pagtanda

Walang oras na hindi inisip ang aming kapakanan

Pinalaki kaming maayos at may paninindigan

Kahit mag-isa'y di alintana

Maitaguyod lamang ang pamilya

Wagas na pagmamahal mo sa amin ay sapat na

Upang mabuhay ang anak mong lima

Maaaring sa salapi ay nagkulang

Ngunit ramdam namin pagiging butihin mong magulang

Ilang ulit man ika'y aming pinaluha

Dahil sa mga nagawang pagkakasala

Patunay lamang yan na lagi kang nariyan

Upang aming pangangailangan ay matugunan

Pananalig sa Diyos ang tanging tangan

Nang kami'y mabigyan ng magandang kinabukasan

Ngayon kami'y mga ganap nang propesyunal

Iyon ay dahil sa walang sawa mong pagpapagal

Utang namin sa iyo ang aming buhay

At sarili pa'y handa mong ialay

Sana sa simpleng tula na aking nilikha

Mapasalamatan mga yaring nagawa

At ngayon ang iyong kaarawan

Sa ganitong paraan nawa'y ikaw ay mapasalamat

TDC/ATING GURO Manifestation of Intent to Participate in the 2016 Party List elections

PUBLIC SCHOOL TEACHER ANG DAPAT NATING REPRESENTANTE!

Narito ang Page 1 ng COMELEC ORDER, acting on our Manifestation of Intent to Participate in the 2016 Party List elections. Ibig sabihin, kaunting teknikalidad na lang ay ganap na tayong party list candidate sa 2016.

Ilang linggo rin mula ngayon ay ipatatawag ang Kongreso ng Ating Guro Party List upang maghalal ng mga magiging opisyal ng ating partido. Kasunod niyon ay ang pagpili naman ng ating magiging mga nominado.

WE DESERVE A SEAT IN CONGRESS, WE WILL BE PROCLAIMED AS WINNER, IF NOT IN RECENT ELECTIONS, AT LEAST IN 2016!

Dapat na tayong maghanda. Pigtingin ang ating pag-oorganisa. 

Sa pagkakataong ito, titiyakin nating HINDI LAMANG TAYO MANANALO MGA KASAMA, KUNDI TAYO RIN AY MAPOPROKLAMA!

TDC National Seminar on DepEd Legal Process 2nd Batch

Matagumpay na nairaos ang 2nd Batch ng National Seminar on DepEd Legal Process ng Teachers' Dignity Coalition sa Teachers' Camp, Baguio City noong nakaraang linggo, August 28-30, 2015.

Nilahukan ito ng mahigit 300 participants na Teachers, School Heads, Education Supervisors at iba pang nagnanais makaranas ng magandang dulot ng gawaing ito. Nagmula sila sa Regions 1-3, CAR, at ilang participants mula sa NCR, Region IV-A at IV-B.

Naging panauhing tagapagsalita sina Atty. Leland Lopez ng TDC-Ating Guro, Atty. Wade A. Latawan ng DepED Quezon City at Atty. Helen Graido ng LENTE. Tinalakay nila ang ilang mga kasalukuyang isyung kinakaharap ng ating kaguruan at mga batas na poprotekta sa mga guro.

Inaasahan naman ng mga dumalo na magkaroon muli ng ganitong pagtitipon upang lalong maging maalam ang mga guro ng bansa lalo na sa batas na magiging sandalan nila sa panahong may problema.

Mabuhay ang Ating Guro!

KARA

KARA
Ni: Jessieto A. Abener

Pinong luntian sa paikot na daan

Umaalog na hangin sa tenga

Kasabay ng matunog na sitserya

Para kang adik na high sa ulap altidude

Batang musmos, kumakaway

Habang naglalakbay sumasabay ang alaala

Ng kahapong naging unang turista sa malamig na plaza

Mga taong nakangiti sa mga banyagang namumukod tangi
Magkasintahang nagsasagwan, pinagmamasdan.
Malalim na damdamin ay nagpapatianod.
Mababaw na tubig sa Burnham, animo'y nalulunod.

Malamig nasimoy ng hangin
ang dumadalisdis sa mabundok at mahamog na pasyalan

Panandaliang pagtakas sa magulo’t maingay na syudad ng Kamaynilaan.

Patungo sa tunay na paraisong gubat na sa libro madalas nasusulat.

Hay! Para kang dayuhan sa sariling bayan

Kasabay ng malakas na paghinto

ay pagkamulat sa makabagong realidad.

Rebulto ng dating pangulo may warak na sa ulo.

Sa libis ay matatanaw ang nagsulputang bahay

habang sa tabi’y umuusok ang animo'y hamog

sa mga bagay na nakatumpok.

Madilim na ng marating ko ang sentro.

Nasumpungan ang sarili sa loob ng isang banyagang restawran,

na nagsulputan na para bang mga tigyawat sa pisngi.

Habang humihigop ng maanghang na jjampong na isinilbi.

Naglalakad-lakad.

 Minamasdan ang mga taong nagse-session,

Mga humahalukay sa wagwagan sa mahabang daan.

Huminto sa isang sulok upang bumuga ng usok.

Natanaw ang Mariang si Kara ang pagpapakilala

“Sir, masahe?”, eksena sa Malate.

Lunsod na dating lunti

Ngayo'y mga ilaw sa tuktok ng gusali ang nakangiti.

SM na tambayan, dating puno ng halaman.
Matatayog na tahanan para sa panandaliang ti'rahan.

Habang nakahiga sa aking kwarto ay nasambit ko sa sarili.

Ang pook na may magandang Kara ay tila naglalaho na.

THE BODY AND STAFF

National Seminar on DepEd Legal Process 1st Batch

National Seminar on DepEd Legal Process 1st Batch

Sa kabila ng malawakang brownout sa lugar, kawalan ng tubig, malakas na ulan at pagbabanta ng bagyo, matagumpay na nairaos ang ating National Seminar on DepEd Legal Process sa Teachers' Camp, Baguio City nitong Biyernes hanggang Linggo, August 21-23, 2015.

Nilahukan ito ng mahigit 180 Teachers, School Heads, Education Supervisors at iba't ibang lider mula sa Region 4A, Region 4B, Region 5 at National Capital Region.

Tinalakay sa naturang seminar ang pagsulong ng Election Service Reform Act o ESRA na naglalayong mabigyan ng opsyon ang kaguruan sa pag-upo sa eleksyon kasama na rin ang mga benepisyong nakalaan para sa kanila gaya ng hospitalization, honorarium at iba pang po-protekta sa mga guro. Naging malinaw naman sa mga dumalo ang mga ground para sa administrative case, dishonesty at iba pang mga kasong kinakaharap at pwedeng kaharapin ng mga guro kasama na ang mga dapat gawin dito, proseso ng pagsasampa o isinampang kaso, paraan ng pagsasampa ng kaso at iba pang may kinalaman sa isyu sa paaralan at dibisyon. Binigyan din ng pagkakataong matalakay ang batas para sa child abuse, provision ng Family Code, problema ng mga guro sa araw-araw sa paaralan, dagdag pasaning mga isinusulong na batas, hamon sa mga namumuno at iba pang kasalukuyang isyu na nagaganap sa iba't ibang dibisyon ng mga dumalo.

Pinangunahan nina Atty. Ona Caritos ng LENTE, Atty. Leland Lopez ng TDC-Ating Guro at Atty. Ariz Cawilan ng DepEd Calabarzon ang mga pangunahing paksa ng seminar. Binigyang-paliwanag naman ni Ating Guro First Nominee at Teachers' Dignity Coalition National Chairperson Benjo Basas ang pinagmulan ng ating organization at maging ang mga pamantayan at pinaninindigan ng samahan.

Sa huli, nabigyang linaw ang ilan sa kasalukuyang kaganapan sa ating mga pinaglalaban at maging ang hamon sa ating mga kaguruan kasama na rin ang katanungan sa kasalukuyang problemang kinakaharap ng ating kaguruan na hindi nakuhang masagot lahat dahil sa kakulangan ng oras o panahon.

Inaasahan naman ng mga participant na magkaroon ng iba pang gawain ang TDC ng tulad ng kanilang naranasan upang lalong lumalim at lumawak ang kanilang kaalaman sa kanilang mga karapatan bilang mga bagong bayani ng bayan. 

Sir Kris and Maestro Ramon

 Emmalyn Policarpio

TDC Sec-Gen

Ka Noli

Atty. Ariz Cawilan (holding the shirt) with TDC staff

 THE MEN

 THE MIMAROPA

 MAESTRO JAYSON CRUZ

 MAESTRO RAMON MIRANDA

 ATTY. LELAND LOPEZ AND ATTY. ARIZ CAWILAN

 BENJO ON THE MOVE :)

 THE STAFF

 ATTY. ONA CARITOS

 THE MEN

 THE MAKATAS

 BICOLANOS PRESENTATION