TDC, Tagumpay: 20Php Ibabalik sa mga Guro

Photo: Ms. Mineth Ignacio

Tagumpay ang Teachers' Dignity Coalition sa inilaban nitong argumento laban sa hindi makatarungang pagkaltas ng RPSU ng 20php mula sa mga guro ng National Capital Region para maging pondo ng ACT-NCR. Itoý matapos makipagdiyalogo kanina, November 2, 2016, ang ilang pinuno ng TDC at mga gurong apektado ng hindi makatarungang pagkaltas sa DepEd-NCR.

Kaharap sina NCR Regional Director Ponciano Menguito at iba pang opisyal ng DEPED-NCR, inilahad ng TDC at ilang mga guro ang hinaing nito laban sa biglaang pagkaltas sa kanila ngayong Oktubre.

Ayon kay TDC National Vice Chair Ramon Miranda, resulta ng naganap na diyalogo, ibabalik umano ang 20PHP na kinaltas sa October Payroll ng mga guro.

Masaya ring ibinalita ni TDC Caloocan Chair Jimboy Albiza na ititigil na ang hindi makatarungang pagkaltas. Nagsorry din umano ang Regional Director dahil sa mga pangyayari.

Photo: Ms. Marichu Gonzaga Nazareno

Nauna nang nagpasa ng pormal na sulat ang mga apektadong mga guro ng NCR. Anila, wala umanong abiso ang ACT-NCR sa pagkaltas sa kanila. Hindi rin umano sila pumirma ng kahit anong membership form para maging kasapi ng grupong ito.

Sa ngayon ay patuloy pa rin ang pagdagsa ng sulat sa DepED-NCR mula sa iba't ibang dibisyon upang ipatigil ang maling gawaing ito. 

Isa na naman itong tagumpay para sa mga guro na ipinaglalaban at pinoprotektahan ng Teachers' Dignity Coalition.